انا عارف انى طولت شويه عليكم
لكن برضه انا معذور
عندى شركات كتيره فيها اكتر من 100 مليون موظف استقبال فقط ...ده غير بقى باقى الموظفين
المهم
مكدبشى عليكم يا جماعه
انا لما ركبت الطياره... والطياره طارت فى الجو..انا بصراحه خفت
لا متفتكروش انى خفت على نفسى
لا طبعا ابو لمعه عمره ميخاف ابدا
انا خفت لحسن حد يتصل بيا على التليفونات المحموله اللى معايا ويلاقيها مغلقه احسن انا مقلتلكمشى انى اخدت البطاريات بتاعه التليفونات وشحنت بيها الطياره ...يلا حصل خير
انا بقى فى الجو مش عارف اوزن الطياره خالص
كل شويه الطياره تميل يمين امد ايدى الشمال وادوس بيها على الارضيه علشان اوزن الطياره
مره تانيه الطياره تميل شمال امد ايدى اليمين وادوس بيها على الارضيه علشان اوزن الطياره
المهم طلعنا من امريكا ووصلنا للمحيط الاطلنطى
واحنا بقى طايرين بالطياره على ارتفاع 10 الاف قدم لمحت واحد بيغرق فى وسط المحيط وحطيت ودنى جنب الشباك سمعته وهو بيصرخ ويقول الحقونى يا عاااااااااااااااااااالم هاموت فطيس ...قلت الولد ده صوته مصرى ..لأ لايمكن ابو العربى يسيب مصرى زيه يغرق فى المحيط ابدا ..رحت دايس برجلى على الفرامل
مفيش فرامل
قعدت العب فى كل حاجه الطياره مش عايزه تفرمل ابدا
طيب اعمل ايه
واخويا المصرى هيغرق
رحت لابس البراشوت ورحت فاتح الشباك بتاع الطياره وطالع بره وقعدت ازحف وازحف لغايه لما وصلت لمقدمه الطياره وبقيت عند بوزها تماما روحت راجع لوراء خطوتين وجريت لقدام باقصى سرعه نطيت قبل الطياره بعشرين متر وسيبت نفسى انزل فى الجو
بصراحه كان الجو جميل والهواء يلطش فاخدت لى تعسيله واديتها نومه
ساعه ساعتين عشره انى اصحى ابدا بصراحه كنت تعبان قوى ونمت
وفجاءه سمعت صوت طائر بحرى بينادى عليا
ابو لمعه
يا ابو لمعه
اصحى يا ابو لمعه
انا صحيت من النوم وفتحت عينى لقيت نفسى نمت عشر ساعات وانا بنزل فى الجو رحت قلت للطائر البحرى احنا وصلنا للميه ولا لسه قالى الحق بقى افتح المظله علشان انت قربت
رحت فاتح المظله وفى ثانيه كنت قدام الراجل اللى بيغرق
رحت مطلعه من الميه لقيته ميييييييييييييييييييييييييييييييييين ؟؟؟؟؟؟
ايوه صح هو بوشبوش بعينه
رحت ضاربه برجلى وقلتله انت جاى ورايا لغايه هنا ..وعامل نفسك مصرى
ورحت فى ثوانى قالب المظله
بقيت رجلى للطياره ودماغى للميه راحت المظله طايره لفوق
وهوب فى ثوانى كنت عند الطياره طبعا العشرين خطوه اللى اخدتهم قبل الطياره نفعونى ..عبقال ما الطياره مشيتهم كنت انا وصلت
رحت راكب الطياره ونفخت
وقعدت ادوس بنزين علشان اوصل مصر
طبعا انتوا عارفين ان مصر هى امى ونفسى ارد جميلها واكمل ال 80 مليون
بس انا برضه كنت محتار ...امشى فى اى طريق ..يمين ولا شمال ...شرق ولا غرب
وفى ثوانى شغلت الطاسه
ورحت داخل على الركاب فى الطياره ومستلف منهم تليفون محمول واتصلت بواحد صحبى فى مصر
وقعدت اركز فى الكلام لقيت الكلام جاى من اتجاه الشرق رحت ماشى فى اتجاه الكلام لغايه لما وصلت مصر
شفت الهرم
قلت بس يابو لمعه عمر بشبوش ما هيقدر يجى هنا ابدا
لكن اوقف الطياره ازاى
معرفشى
رحت راكب الطياره ونفخت
وقعدت ادوس بنزين علشان اوصل مصر
طبعا انتوا عارفين ان مصر هى امى ونفسى ارد جميلها واكمل ال 80 مليون
بس انا برضه كنت محتار ...امشى فى اى طريق ..يمين ولا شمال ...شرق ولا غرب
وفى ثوانى شغلت الطاسه
ورحت داخل على الركاب فى الطياره ومستلف منهم تليفون محمول واتصلت بواحد صحبى فى مصر
وقعدت اركز فى الكلام لقيت الكلام جاى من اتجاه الشرق رحت ماشى فى اتجاه الكلام لغايه لما وصلت مصر
شفت الهرم
قلت بس يابو لمعه عمر بشبوش ما هيقدر يجى هنا ابدا
لكن اوقف الطياره ازاى
معرفشى
هناك 7 تعليقات:
ابو لمعة ده حكاية
عنده قدرة غريبة علي التأليف
لا وماشاء الله عليه بيقدر يقاوم قوانين الجاذبية
جميلة جداً
و النبى ايه الطيارة اللى بتشتغل بالشحن دى ؟؟؟
و انت متاكد ان الطائر اللى صحاك ؟؟
مش يمكن المودام و انت مش مركز ؟؟
عموما حمدلله على السلامة و نورت مصر
الحق بقى طفى النور قبل ما يشوفك بوشبوش
ايه الدماغ السحلبيسي دي؟؟
صباح الفل
بس كلام جامد اخر حاجه
عجبتني جدا ان العشرين خطوة نفعوه عقبال ما نزل 10 ساعات نوم ورجع تاني بقوة الدفع الذاتي
إلى الأمام
:))
بس معلش تعالى علي نفسك واكدب كدبه ولا كدبتين بلاش الصراحه المطلقة دي
:)
ojg
يااااااااه
ده انت مُلك قوي
ما أروعك
أشتغل يا حبيبي أشتغل
حلاوتك
الأخ العزيز صاحب المدونه المبهجه المتميزه
تحيه طيبه وكل عام وانت بخير
نعتقد ان موهبتك وخيالك بسنحقتن الأنطلاق الى عالم اوسعولذلك قد يتحقق ذلك على ايدينا حيث اننا اول برنامج أذاعى عن النت والمدونات على مستوى العالم العربى ويتطلق يوميا من الأذاعه الرئيسيه لمصر وهو موجود ايضا على القمر الصناعى نايل يات ويسمع ايضا من موقعنا على النت
لذلك يهمنا ان تزور مدونتنا وموقعنا وتساهم فى البرنامج باسلوبك المميز بان تجيب على مانطرحه من اسئله فى مدونتنا
العناوين
المدونه
http://netonradio.blogspot.com
الموقع
http://dear.to/cairo
بريد
netonradio@yahoo.com
مش عارف توقف الطياره ازاة يا عم مد رجلك بره شباك الطياره هتخبط ف اى عمود ولا حاجه تقوم الطياره واقفه على طول
بس دا يعتمد على نوعيه الطياره
اذا كانت فولكس ولا 127
ههههههههههههههههههه
دا انت تحفه تصدق وانا بقرأ ف الاول كنت هقولك انت تعرف حد اسمه ابو العربى
لقيتك بتقول ان انت نفسك ابو العربى
هههههههههههههههههههههه
احييك عالهجص الهايل
أنا جيت اقول
كل رمضان و انت بخير
تحياتى
إرسال تعليق